မျှော်ယောင်တမ်းတ ၊ မျက်ရည်စနင့်
ဘ၀ဆက်ကါ ၊ သံသရာရို့ 
ကြံမ္မာဆိုးလျှက် ၊ ကြိမ်နွယ်ယှက်၍
ပြန်ခက်ဖန်တီး ၊ ဤခရီးကား
မနီးလှလီ ၊ တစကြီကွဲ
ဝေ့လည်ပါတ်လား ၊ ၀ိုးတ၀ါးစိတ်
ရှည်လျှားညတာ ၊ အိပ်ပျက်ကာပင်
ဝဲယာစောင်းကြည့် ၊ ဆွီးနွမ်းမြိသည်
ဓလေ့ထုံးစံ ၊ မိပျောက်ဟန်ထင့်
ရင်ပူနင့်တွီး ၊ ပြီအရီးကို
တလေးတစား ၊ ဦးထိပ်ထာြးေီး
စိတ်အားညီညွတ် ၊ လက်ချင်းဆက်ကာ
လွမ်းဘွယ်ဌါနီ ၊ ဓညာမြီသို့ မျှော်ရည်ဆုတောင်း မိသည်ချည်း ။။။။။။။။။။။
ပေါ်အောင်စိတ်က ၊ ထန်ပြင်းရနင့်
စိတ်ကမပျှော် ၊ သန်ကောင်ကျှော်၍
ညမျှော်ရက်မှန် ၊ အချိန်တန်ခိုက်
ခေါင်းငိုက်စိုက်ဗျာလ် ၊ ရှိုက်လျှက်လမ်းလား
တယောက်အားတည်း ၊ ရင်နာကျည်းလို့ 
စိတ်ထဲဆန္ဒ ၊ ဖြစ်သမျှကို
တချက်တာပင် ၊ ရာဇ၀င်မှာ
ရှုံးချင်သည့်စိတ် ၊ တိတ်တဆိတ်မျှ
မကူးကတ်ခ ၊ ဓညနိုင်ငံ
ပြည်တော်ပြန်ဖို့ ၊ ချိန်တန်ကောင်းကို
အားလောင်းစံပြု ၊ လူထုများစွာ
ရှိထားသည်ကြောင့် ၊ စိတ်ရည်မျှော်မှန်း
အောင်ပွဲလန်းလျှက် ၊ လက်ချင်းဆက်ပနာ
တမ်းရည်ဌါနီ ၊ ရမ္မာဝတီသို့ မျှော်ရည်ဆုတောင်း မိသည်ချည်း ။။။။။။။။။။။။
ကျော်အောင်ရည်က ၊ ပေါ်ခရနင့်
ဘ၀ကူးလား ၊ဇါနည်များလည်း
တခြားမဟိ ၊ ချစ်သည့်စိတ်ကြောင့်
အိပ်မက်ထဲမှာ ၊ ပြန်လာကာနိုး
ဝိဥာဉ်ပျိုး၍ ၊ အတိုးချဗြီး
ဤခရီးကို ၊ နီးလွန်းသည်ထင့်
ရင်မှာချင့်တွီး ၊ ဦးမလေးဒေ
ဖီးဖီးမမ ၊ တယုယကာ
သားလှရင်နှစ် ၊ ပွေ့ဖက်ချစ်သို့
ကျစ်ကျစ်ဆုပ်ထား ၊ လက်သီးများလည်း
ခွန်အားပြည့်ဗျာလ် ၊ ရှိကတ်ပါလျှင်
သံသာချိုအီး ၊ နားဝယ်မြဲသည်
ဗဟိုလ်စည်သံ ၊ သောသောညံလို့ 
မိုးယံခြုံးလျှက် ၊ လက်ချင်းဆက်ပနာ
ဆွီးရည်ဌါနီ ၊ မေဃာဝတီသို့ မျှော်ရည်ဆုတောင်း မိသည်ချည်း ၊။။။။။။။။။။။
ဖေါ်ဆောင်တမ်းတ ၊ ယင်းဘ၀နင့်
သောကငိုဗျန် ၊ ရှိုက်ဘွယ်သံရို့ 
ချိန်မှန်ဖြစ်မြဲ ၊ စိတ်ဝယ်စွဲပနာ
တလွဲမလျှော် ၊ ရောင်ခြည်ပေါ်စ
တမ်းမျှော်ရမိ ၊ ကိုယ်ကချိနွမ်း
အမိသော်လဲ ၊ သားတော်ခဲလီ
မီးရဲရဲတောက် ၊ ကိုယ်သာလားချင်
ရင်မှာညွှန့်ဖူး ၊ ချစ်ဦးသူရို့ 
မငြူမစူ ၊နာမူခံခက်
ကင်းကွာလျှက်ဗြီး ၊ လက်ဆက်၍သာ
သံညီညာနင့် ၊ သြဘာစည်ခတ်
အောင်ပွဲမှတ်သို့ ၊ လေးရပ်မျက်နှာ
ကြွေးကြော်ပါလီ ၊ ချိန်ခါမင်္ဂလာ
ကျရောက်လာ၍ ၊ ကျိန်စာပြီပျောက်
ဘုန်းရှိန်တောက်လျှက် ၊ လက်ချင်းဆက်ဗျာလ်
လွမ်းဘွယ်ဌါနီ ၊ ဒွါရာဝတီသို့ မျှော်ရည်ဆုတောင်းမိသည်ချည်း ။။။။။။။။။။။။။။။
