အေနိ အစိုးရ အာပေါ် သတင်းဆိုက်မှာ ရခိုင်ပြည်နယ်ကို မီးပီးလား ဖို့ လို့ ဖ်ာပြလား ပါရေ။ ဖော်ပြလားစော်က “၂၀၁၂-၂၀၁၃ ခုနှစ်မှာ မဖြိုက် မနီ ဆောင်ရွက်ဖို့စော်က ရွှေတောင်ကနီ တောင်ကုတ်မြို့ကို ၂၃၀ ကေဗွီအေဓာတ်အားလိုင်း ဆွဲပါဖို့။ တောင်ကုတ်ကနီ မအီ၊ မအီကနီ အမ်း၊ အမ်းကမနီ မန်းကို ဆွဲပါဖို့။ ယင်းချင့်ကို National Grip နဲ့ ဆက်ထားဖို့စော် ဖြိုက်ပါရေ။ National Grid ကနီ ထွက်တေ ဓာတ်အားကို ယူပြီးနာ တောင်ကုတ်၊ မအီ၊ အမ်း၊ ကျောက်ဖြူ စရေ ဒေသတိကို ၂၀၁၂-၂၀၁၃ ခုနှစ်လောက်မှာ ဓာတ်အားရောက်နိုင်အောင် လုပ်ပါဖို့။ ၂၀၁၂-၂၀၁၃ ခုနှစ် မရာက်ခဆိုကေ ၂၀၁၄ လောက်မှာ နောက်ဆုံး ဖြိုက်အောင် ဓာတ်အားလိုင်းကို ဆောက်ဖို့ ဖြိုက်ပါရေ။ ၂၀၁၄ ခုနှစ်မှာ ရခိုင်ပြည်နယ် အမ်းက နီပနာ တောင်ဘက်ခြမ်းတခြမ်းလုံးကို ၂၄ နာရီ မီးရပါဖို့။ ယင်းအတွက်နန့် ပစ္စည်းတိအားလုံး ၀ယ်ယူနေပါယာ။ ရခိုင်ပြည်မှာ ကျောက်ဖြူကနီ အောက်ပိုင်းအားလုံးကို ၂၄ နာရီ မီးရဖို့ဖြိုက်ပါရေ။ ၂၀၁၄ ခုနှစ်အကုန်မှာ ရဖို့လို့ ခန့်မှန်းပါရေ။ အမ်းကိုရောက်ပြီးကေ အမ်းနီတဆင့် ကျောက်တော်ကို ၂၃၀ ကေဗွီအေ ဓာတ်အားလိုင်း ဆက်ဆွဲပါဖို့။ ကျောက်တော်-ပုဏ္ဏားကျွန်း၊ စစ်တွေထိကိုပင် ဆွဲပါဖို့။ ၂၀၁၄-၂၀၁၅ ခုနှစ် ကုန်ကေ ရခိုင်ပြည်နယ်မှာ National Grip ကနီ မီး ၂၄ နာရီ ရလားဖို့ အာမခံပါရေ” လို့ အမှတ်(၂) လျှပ်စစ်စွမ်းအား ၀န်ကြီးဌာန ပြည်ထောင်စုဝန်ကြီးက ပြောကြားလားပါရေ။ ၂၀၁၂ ခုနှစ် ဇန်ဝါရီလ  ၂၀ ရက်နိ ထုတ်တေ BiWeekly Eleven ဂျာနယ်မှာ ဖော်ပြလားပါရေ။ 

.............................

လေးဝတီ