ပြောစရာ စကားအဖြိုက် ဟိခရေပိုင် အားရကတ်တေလို့ လေး ပြောကတ်ပါရေ ။ ၈၈-အရီးအခင်းဖြိုက်ဗြီးကေ ပြည်ပကို ထွက်လာကတ်တေ ဗမာနိုင်ငံရီးသမားတိကတောင်မှ တခြားလူမျိုးတိကို တိုင်းရင်းသားလူမျိုးလို့  သတ်မှတ်ပနာ သူရို့ ကျခါတော့ခါ လူမျိုးကြီးတမျိုးအဖြိုက် ပြောနီခ ဆိုနီခ ရီးနီခ ဟိနီခကတ်စော်ပါယေ ။ ဖက်ဒရယ်ပြည်ထာင်စု ဆိုစော်ကိုလေးသွင့် လက်မခံစော်မှာ ပြည်ပက အဖွဲ့ အစီးတိက ပိုလို့ တောင် ဆိုးနီပါသိရေ။ ပြည်ထောင်စုမြန်မာနိုင်ငံအမျိုးသားကောင်စီ( NCUB ) က ထုတ်ပြန်ထားရေ (၃ ) ကြိမ်မြောက် ပြည်ထောင်စုမြန်မာနိုင်ငံ ဖွဲစည်းအုပ်ချုပ်ပုံ အခြီခံဥပဒေ ရီးဆွဲထားစော်မှာ ခွဲထွက်လိုက ခွဲထွက်ပိုင်ခွင့်နန့် တန်းတူရီးဆိုစော်ကို ဥပဒေအဖြိုက်မရီးကတ်ပါလေ။ ယေဇူးနန့် ဖက်ဒရယ်ပြည်ထောင်စု
ဆိုစော်ကို ပြည်ပက ဗမာနိုင်ငံရီးသမားတိက ကြောက်တေပိုင် အထဲက အစိုးရကလေးသွင့် ကြောက်တောင်မက လန့် ပါသိရေ ယေ ။
ယေကေလေးသွင့်အခုဆိုကေ ဒေါ်အောင်ဆန်းစုကြည်က အခုပိုင်ဗမာလေးသွင့် တိုင်းရင်းသား
လူမျိုးပိုင်ရာလို့  ပြောလာရေအခါ ရခိုင်လူမျိုးတိကလေးသွင့် စိုင်းစားရဖို့  ဖြိုက်လာပါရေ ။ ယင်းချင့်ကတော့ခါ ရခိုင်နိုင်ငံတော်လို့  ပြောကေ အတိတ်က ရွှေထီးဆောင်းခစော်ကို ပြောလို့  မရဗျာယ်ဆိုပနာ ဗမာနိုင်ငံရီးသမားတိက ရခိုင်နိုင်ငံကို ဘိုးတော် မောင်ဝိုင်း သိမ်းခစော်နန့်  ၁၉၄၈-ခုနှစ်မှာ ရခိုင်နိုင်ငံတော်ပျောက်လားခစော်ကိုလေးသွင့် ပြောဖို့ မလိုလို့  ဆိုပါရေကာ ။ မြန်မာနိုင်ငံ လွပ်လွပ်ရီးရရေအခါ နိုင်ငံတော် အလံမှာ အလယ်က ကြယ်ကြီးဆိုစော် ရခိုင်၊မွန် ၊ ဗမာလူမျိုးတိကို ကိုယ်စားပြုရေ ဆိုပနာ လုပ်ထားစော်ပါယေ။ မြန်မာနိုင်ငံလွပ်လပ်ရီးရရေအခါ ၀န်ကြီးချုပ် ဦးနုက ရခိုင်နိုင်ငံတော်ကို ပြည်နယ် အဆင့်တောင် မပီးခဘဲနန့်  လူမျိုးလေးပျောက် နိုင်ငံလေးပျောက်အောင် လုပ်ပစ်ခပါရေ။
၁၉၆၂-ခုနှစ် တော်လှန်ရီးကောင်စီက အာဏာသိမ်းရေအခါ ၁၉ရ၄-ခုနှစ်မှာ နိုင်ငံတော် ဖွဲ့ စီးအုပ်ချုပ်ပုံအခြီဥပဒေ ရီးဆွဲရေအခါ ရခိုင်ပြည်နယ် အဖြိုက် သတ်မှတ်ပီးခစော်ပါဒေ ။ ယေကေလေးသွင့် ယင်းပိုင်ပီးထားရေ ရခိုင်ပြည်နယ်ကို ရခိုင်လူမျိုးတိကလေးသွင့် လက်မခံကတ်ပါချင့် ။ ယေဇူးနင့် အခုအချိန်မှာ ရခိုင်နိုင်ငံတော်ကို ပြည်ထောင်စုမြန်မာနိုင်ငံမှာ နိုင်ငံတခုအဖြိုက် ထည့်လို့  မရနိုင်ကေ ရခိုင်ပြည်အဖြိုက် ထည့်လို့  ရအောင် လုပ်ကတ်ရဖို့ လိုပါရေ ။ ဖက်ဒရယ်ပြည်ထာင်စုဆိုစော်က ပြည်ထောင်ပေါင်းစု နိုင်ငံကို ပြည်ထောင်စုလို့ ခေါ်ရေအတွက် ပြည်ထောင်စုမြန်မာနိုင်ငံမှာ ရခိုင်ပြည်ကိုလေးသွင့် ထည့် လို့ ရရေ လက္ခဏာအဖြိုက် လုပ်လို့ ရပါရေ ဒေ။ ကွယ်လွန်လားခရေ ရခိုင်ပြည်အမျိုးသားလွပ်မြောက်ရီးပါတီ(ANLP)က ဥက္ကဋ္ဌကြီး ဦးမောင်စိန်ညွန့် က ရခိုင်ပြည်လို့  တသက်လုံး စာရီးပနာ နီခစော်ပါဒေ။ ပြည်နယ်ဆိုစော်က ကမ္ဘာလောက် ငယ်လွန်းရေပိုင် ဘုရင်နင့် နီခရေ ရခိုင်လူမျိုးအဖို့  ရခိုင်နိုင်ငံတော်ကို အားမနာဆက်ဆံခံရရေပိုင် ခံစားကတ်ရပါရေ ။
ယေဇူးနင့် အခုအချိန်မှာ ဗမာလေးသွင့် တိုင်းရင်းသား လူမျိုးဖြိုက်တေလို့  လူတိက လက်ခံကတ်တေအခါ ရခိုင်ပြည်ကိုလေးသွင့် လက်ခံနိုင်ရဖို့  ဖြိုက်လာပါရေလို့  ထင်မြင်ယူဆနီကတ်တေ အမြင်ကိုတင်ပြလိုက်ပါယင့်။
စောပြည့် ညို(စစ်တွေ)